اهم وأفضل قصايد شريان الديحاني
قصيدة ياللي وطن قلبي
ياللي وطـن قلبـي تحـت عـرش ايـاديك
يفداك منـهو ذم طيفـك وخانـك
ادري ولا حاجـه من اعـداي تخفـيك
لاكـن تتغـاضى وتعـلو بشـانك
ياللـي قهـرت البعـض مـن صـرت اغلـيك
يبقـى مكانـك فـي ضلـوعي مكـانـك
شافـوني احبـك وضـايقتهـم فيـك
مدري انـا لـيـه الـعـداوه عـشـانـك
لا تنـشـغل بالـلـي يـذمون طـاريـك
انت اطيـب قـلوب البشـر فـي زمـانك
وان زعلـوك..وان زعلـوك ابشـر بقلـب(ن) يراضـيك
يهـين مـن ذمـك بظـهـرك وهـانـك
دايـم..دايـم نجـاح الـذات يقهـر معاديـك
دايـم نجـاح الحـب يقهـر معاديـك
وانـت اللـي بقـلـبـك يقـولـه لسـانـك
الله يـديمـك لـي..والله يـخليك نفـسي بـامـان الله وثـم بمـانك
قصيدة يااصعب اسالة عمري
يا أصعب أسألة عمري..وقاتلني!
أنا أوفى من إجاباتي إلين آصير..
سوالٍ في ورق بالك ..وتشغلني..
مع أفكارك قبل ناخد بعض و نطير
من أسألة المحبة ..لا تعلني !
أنا وجهي يجاوب ..و الكلام كثير
تعال أسرقني لعيونك ..وسللني
أنا من وين ماوجه معاك بخير !
لي شانك يصير اللي تبيه يصير
وقبل لاتطغي بكلك ..وتقتلني
تواضع مع غروري ..وأترك التفسير
و إذا بصعب عليك أرجوك سهلني
أنا.. صعبة عليّ أوصفك بالتعبير !
من التفكير، بايحني ..وحللني!
عليك البال .. ما ياسع فضاه الطير
وأنا شد أنتباهي”وجه” وأذهلني!
أقارن “وجهك”بوجهه وأشوفك غير
قصيدة ابشرك بادي اتعلق باحد ثاني
يا مقصر العمر لا ترجع على شاني
طاريك روح و ضيع بالهوى صيته
أبشرك ..بادي أتعلق بأحد ثاني
بادي أحبه ..واشيد بالصدر بيته!
بادي أعيشه غلا من كل وجداني
بادي أسميه ..كل اللي تسميته!
بادي أخليه الأول ..ماهو الثاني!
بادي أشوف بقصيدتي يبتدي بيته..
بادي أخليه ..يعشقني ويهواني
بادي كثير..وكثير اللي تهقويته..
ذاك لو بس يضحك تضحك أحزاني
هذاك هو الحبيب اللي تمنيته..
هذاك وافي ..وعوض كل خلاني
هذاك من وين ما يصعد ..تعليته..
هذاك..لو ضعت بالدنيا بيلقاني
هذاك ما أعرف أحزاني ليا جيته!..
هذاك أحبه كثر كرهي لحرماني
واموت به حيل و اتجدد ليا طريته..
عساي أموته غلا ..وألقاه يحياني
وعساه يبقى في قلبي مشتد بيته
قصيدة أنا مشتاق لفلانة
انا مشتاق لفلانة
أنا مشتاق للي تسكن النسيان
حبيبة خاطر الدنيا أنا منك
عرفت أن البكى مخلوق للغفران
تعمدت البكى في ليلة فراقك
عشان أرجعك و اسارجع النقصان
تراك الغالية جدا على قلبي
وأحاول اذكرك فيهم قدر الامكان
تغيبين الغياب اللي كل ظلوعي
واشوف ان انتي الأقرب على شريان
تعالي نرجع بعزم المحبة لين
نخون في بعض ..مع بعضنا بامان
اخون بايدك اليسرا..على اليمنا
واقبل ذيك واخلي بهذي الاشجان
وامر بعينك اليمنى و اطالعها
واقول انتي انا
واخذها بالأحضان
مصيري فيك بلاطغا جمال و شكل
مصيري فيك ..سواد عيونك الفتان
مصيري لو ترديني اتغير فيك
واصير ارجع مصيرك .واخنق الخذلان
بعد كل هالشعور ..ارجوك قوليلي
انا قصة سجين يحبله سجان
قصيدة ياداعيتني بالهوى..والهوى زان
يا داعيتني بالهوى ..والهوى زان
وياك عمري كل ما طال ..يقصر
فالليلة اللي صاحب الحفل زعلان
جيتي و دمرتي الحضور ..وتبعثر
تفنني في بسمتك قدر الإمكان
بسمتك حاجة بهالزمن ما تكرر
وتهادى بصمتك على الصمت من شان
مايزعل لسانك من الصمت أكثر
الأرض أرضك ..والحفل فيك طربان
تمخطري ..خلي السما منك تمطر
ولا يشغلونك من لهم فالحفل شان
إنتي سموك قبل يوصل مقدر
بعد الحفل عنك الحكي وش كثر كان
كنتي حديث الألسنة دون تشعر
وبعد الحفل متضايقة كل الألوان
وبتخضراللون السماوي ..والأخمر
فستانك الأخضر قهر كل فستان
كل ثوب جمبك وده يكون أخضر
