شيلة وش القصة مكتوبه
هبت هبوب الفراق وناحت الورقا
وليل الجفا طق باب القلب واختصه
خلا عيوني من دموع الحزن غرقا
وخلا علومي علوم وقصتي قصه
والقلب طيرٍ رقا في نايف المرقا
ما كل من جا يقص جناحه يقصه
الا الهنوف العيوف الجادل الطرقا
اللي تشوف الغضب فيني وتمتصه
ينزل لها من غلاها عنده ويرقا
ويفرد جناحه لها ويضيع الرصه
حبيبتي لاضحك وجه السما الزرقا
اشوف وجهك شبيه الغيم في نصه
من عبرة الخاطر اللي تنزل وترقا
الليل مرسى مشاعر والعتب غصه
اسبوع وانتي سواليفك عن الفرقا
حنا بنترك بعض ولا وش القصه .
