شعر في حب الأب
يابوي جعلك للبقا والمكاسيب عمري بدونك يالذّرا ويش أبي به يابوي تسأل عن شفاك المراقيب طلعة سواتك للنّوايف غريب ليه المرض مايعرف الزّين والعيب ما يدري انك للمخاليق هيبه !! أبسألك وش به غزا وجهك الشيب والقلب لايع والنواظر شحيبه وش بك تحاتي لانوى الموت تغريب تخشى علينا بالليّالي الكئيبة خذ دلّتك واركي على مسند الجيب وعطني شماغك بلثمه وأحتمي به ونروّح لأرض بها العشب والطيب وتسمع كلام يا لغلا تحتفي به يابوي بنتك لا أنحكى بالتّجاريب كل يشق لهيبه الصّيت جيبه يابوي ماني من سوات المخاريب اللّي تجيب لعليَة القوم خيبه .
وماني من اللّي لامشت حفّها الرّيب أنا من اللّي مايدنّس حليبه مرفوع شاني عن غرام المكاتيب وأكبر من انّني أرتضي بالحبيبه أنا غرامي لاابتدوا بالتّراحيب نفوس الأوادم في وجودي رحيبه وان كان زيني فتنة للمصاويب أحط وجهي بالحريق ولهيبه زيني أبيعه وأشتري سمعه الطّيب اسم ينومس بالصّروح الذّهيبه وان كان عندي ( بالحلا) شي اصعيب عندي جدود مارضت بالغليبه دموع القبايل في لقانا مساكيب كن المقابر لاحضرنا قريبه خضّبت لك كفّي من العز تخضيب ورفعت راسي للنّجوم الصّعيبه والله لأسدّك بالفعول المصاليب والله لأشيلك بالرخا والمصيبه طلع المعالي ما انحكم للشّواريب بنت وأناطح فارس القوم طيبه ويا شيخي ابشر لوتدور الدّواليب بنتك إلا منّه عوى الذّيب ( ذيبه).
والله إني لو رخصت العمر كله في رضاك مايوفي ربع حقك وأنت حقك ما ىيهون يايبه ياىتاج راسي يا عسى عمري فداك ياىغناتي والله انك لو تبي عيني تمون خمسه وعشرين عام ما ترددت بعطاك ياشبيه الغيث لاىمن ساقته غر المزون ترتجيني ياعسالله مايخيب لك رجاك صاين عهدت الاهك باليدين وبالمتون الحقيقة وأنت تدري ما يعززني سواك والسبب واضح على اللي يدركون و يفهمون والشعر وان كنت بمدح بالشعر هذا وذاك أنت حقك فوق هامات القصايدو اللحون العفو واستغفر الله بس أحس انك ملاك ساع تجلس وأتكلم يمتلئ صدري سكون واتطمن واملك الدنيا بجلساتي معاك وان تنهض عز طرفك تنكسر كل العيون والله إني لو كثر خيري فانا خيري ذراك ويش أكون؟ شوفني رجال كامل بس دونك ..
ووش يكون العمر من دون اجتهادي في غلاك ووش يكون العطف والرحمة بدونك وش تكون؟ يايبه تكفى لعاد تشيل هم في حشاك يكفي انك قد تجرعت الليالي والغبون يايبه يانور عيني شب عمري في هناك والله انه ابرد امن الما على كبد الظعون يايبه ياجعل روحي فدوه لموطى خطاك حطني بينك وبين الوقت وكبار الطعون يايبه ياجار كبدي انذبح ولا اعصاك عقب اللي قولوا وقالوا وهم مايفعلون العمر والنفس واللي املكه كله فداك واعرف انه ربع حقك وأنت حقك ما يهون.
